Aa thawknak: 

Calvary Chin Baptist Church (CCBC) cu September 08, 2008 ni ah Burma ram in a rami Chin Ralzaam mi tlawmte nih rak thawkmi a si. CCBC cu Northen Kentucky le Cincinnati area ah khrihfabu hmasa bik a si. Cu lio ahcun Laimi tlawmte lawng rak um lio a si caah CCBC ah rak i funtom dih a rak si. Sihmansehlaw, a hnu ahcun hmun dang ah a kan pumtakmi khrihfabu zong van um a rak si. CCBC khrihfabu aa thawknak chan cu, Laimi khrihfa hmun khat teah Pathian biak le thangthat khawhnak ding caah a si. 

Bawipa Ni Pumhnak: 

Pathian velngeihnak thawng in CCBC Khrihfabu cu kumkhat hnu kumkhat duhsah tein a ṭhangcho ve cuahmah. Hmun dang dang cin Laimi kan unau hna US an phanh tikah mah le naihniam le siaremnak cio ah i fuhpanh cio a si lawng siloin, rian ruang zongah ram chungin fuhpanh a si tikah, CCBC khrihfabu cu chungtel 300 tluk hmunkhat te ah Pathian thangṭhat ṭinak le khuasak ṭinak hmun ah a hung cang. Zarh fatein Bawipa Ni ah biakinn ah 2:00 PM lengmang ah Sunday Worship Service thawk a si. Cun, Cawnninga Zaan[Friday] 7:30 PM ah Night Service ngeih zungzal a si. Pumhnak chung ah Lai holh (Halkha holh) in caan hman a si. Cawnnithum fate [Every Wednesday] 7:00PM ah Bible Study le thlacamtinak ngeih a si pin ah zarh fatin ti awk tluk in mino 20 – 30 kar nih Church Choir an remh. Kan caan hmannak tete zong Facebook page le YouTube in live thlah a si caah lamhlat um chungtel le miphun hawi hna zong nih rak hrawmpi khawh zungzal kan si. 

Biakinn Saknak: 

Khrihfabu a dirnak kum 16 tluk a rauh hnu ah Pathian nih a biakinn thiang sak khawhnak caan ṭha a kan pek. Acre 4 a kaumi hmun kan cawk hnu ah Tlakrawh le Steel in 11,250 square feet kau mi biakinn cu kan sak khawh. Sanctuary, fellowship hall, Sunday School Class Rooms & Offices ti in ṭhen a si. May 25,2023 ni ah biakinn thiang cu Pathian sin pekchanh thlacamnak ngeih a si.