THUMKOMH PATHIAN [ TRIUNE GOD ]

Pathian pakhat lawng a um. Amah cu zeizong vialte[van le vawlei telh in] sertu a si. Cu Pathian cu Thumkomh Pathian: Pa, Fapa, Thiang Thlarau Pathian a si (Deut 6:4; John 1:3; Mat 3:16 - 17).

• Pa Pathian ( God the Father ) : Pa Pathian cu van le vawlei, zeizong vialte sertu, uktu, zeizong tuah kho tu ( omnipotent ), a hngaltu ( omniscient ) le khuazei poah ah a ummi ( onmipresent ) a si i mi vialte cung ah thleidannak um loin dawtnak a ngeitu a si(Dan 4:35; Sam 139:14; 1 Jn 4:8; Rom 5:8; Sam 33:5).
• Fapa Pathian ( God the Son ) : Jesuh Khrih cu Pathian Fapa, minung sinnak in aa phuangmi ( Incarnated Word of God ) a si. Amah cu Pathian tling le minung tling sinak caan khat teah a ngei mi a si. M i vialte nih zungzal nunnak kan hmuh nakhnga vawlei ah thi ding i n a chuak , vailam cung ah a thi i, Pa Pathian thawnnak thawngin nithumnak ah thihnak in thawhter than a si . N i hmanung bik ah a ra than lai ti kan zumh (Johan 1:29; Ef e sa 1:7; Rom 5:6, 8; 1 Korin 15:14, 17; Johan 14:13 ]
• Thiang Thlarau Pathian ( God the Holy Spirit ) : Thiang Thlarau cu thumkomh Pathian lakah mi pakhat ( person ) a si . Pathian sinak tling a ngei i Pa le Fapa he sinak le dirhmun aa tluk mi a si (Mathai 28:19; Johan 15:26). M inung nih khamhnak a co khawhnak sual nak hngalhtertu(Johan 16:8; 3:6) , zumtu hna nih Pathian sunparnak ca i rian tuan nak caah Thlarau laksawng a petu le bawmtu zong a si (1 Korin 12:4 - 11; Efisa 4:11 - 12; 1 Peter 4:10).

BAIBAL THIANG [ HOLY BIBLE ]

Baibal Thiang cu [Biakam Hlun le Biakam Thar] cu Pathian thaw chuahhnawh mi a si bantuk in a palh kho lo tiah kan zumh (Hebru 4:12; Mathai 5:18; 24:35). Baibal cu zumtu hna Thlarau lei nunnak le thithruainak ca ah kan hrampi le nawlngeihnak sangbik a si tiah kan zumh (Sam 119:105, 160). 

KHIRHFABU [CHURCH]

Khrihfabu cu Jesuh Khrih nih a dirhmi Jesuh Khrih pum a si . Khrihfabu taktak cu Khrih zumhnak le Pathian velngeihnak thawngin thiamcotermi lawng an si tiah kan zumh (Kol 1:18, Efe 1:23 ). Cu k hrihfabu cu Thiang Thlarau nih Khrih pum chungah a fonh hna i, cu pum ahcun Amah Jesuh kha Lu a si. Cun, k hrihfabu cu khuachung k hrihfabu[local churches] hna ah a lang . Bawi Jesuh nih phung thiang pahnih [two ordinances]: tipil innak le Bawipa Zanriah a pek. Hi phung thiang nihcun thawngtha kha hmuh khawhmi le fiang tein a langhter. Khamhnak lam an si lo nain, zumhnak taktak he Khrihfabu nih an lawmh tikah, hi phungthiang hna nihcun zumtu sinak kha a fehter i zumtu nun zong cawmken ve. Khrihfabu cu vawlei khuazakip ah Jesuh Khrih Thawng ṭ habia thanh le karhter ding kan si (Mat. 28:19 - 20). 

KHAMHNAK [SALVATION] 

Khamhnak cu Jesuh Khrih zumhnak thawngin Pathian vel ruangah co mi a si[Efe 2:8, Gal 3:26]. Pathian khamhnak hmuh nak ding caah min ung tuahsernak pakhat hmanh aa tel lo. Zumhnak thawng lawng in a si [1 Cor 1:2,30, Rom 8:29] . Cucaah, Pathain velngeihnak le thawnnak thawngin, Khrih zum h bu tein a nung pengmi hna caah khamhnak a tlau kho ti lo tiah kan zumh [John 10:29, 2 Tim 1:12, Heb 7:25, Rom 8:29 - 39]